Want to get involved in National School?

မိူဝ်ႈၽွင်းယၢမ်းၼႂ်းၵႄႈပီႊ 1996 ထိုင် 2000 ၼီႈၼၼ်ႉ တပ်ႉသိုၵ်းမၢၼ်ႊ ႁၢင်ႈၼႃႈသိုၵ်းႁၢဝ်ႈႁႅင်းသေယဝ်ႉ တိူဝ်ႉ သၢင်ႈလွင်ႈသုၼ်ႇလႆႈသုၼ်ႇပဵၼ်ၵူၼ်းမိူင်း ၸိူဝ်းယူႇသဝ်းၼႂ်းမိူင်းတႆးပွတ်းၵၢင်လႄႈပွတ်းၸၢၼ်း။ ၽွင်းယၢမ်း တိုၵ်း ၵၼ်ႁၢဝ်ႈႁႅင်းတင်းတပ်ႉသိုၵ်းၸၢဝ်းၶိူဝ်းၼၼ်ႉ သိုၵ်းမၢၼ်ႊမၢပ်ႇၼေးဝႃႈ ၵူၼ်းမိူင်း ပွင်ႇၶၢဝ်ႇပၼ်တီႈတပ်ႉ သိုၵ်းၸိုင်ႈတႆး(ပွတ်းၸၢၼ်း)ၼႆသေလႄႈ ၶီႇၼဵၵ်းတဵၵ်းတဵင်ပေႉၵိၼ်ၵူၼ်းမိူင်း။ ဝဵင်းၵိုၼ်းလႆႈယဵၼ်းပဵၼ်ဝၢၼ်ႈ ဢွၼ်ႇ၊ ဝၢၼ်ႈဢွၼ်ႇလႆႈယဵၼ်းပဵၼ် တီႈပၵ်းသဝ်းတပ်ႉသိုၵ်းမႃး။ မၢၵ်ႇၶဝ်ႈတဝ်ႈၼမ်ႉ၊ သူၼ်ၼႃးတီႈၽုၵ်ႇသွမ်ႈႁႃ ၵိၼ် လႆႈလူႉလႅဝ်၊ သဵၼ်ႈတႃႈသၢႆတၢင်းယၢပ်ႇယၢၵ်ႈၶၢၼ် ၵႅၼ်း၊ ႁူင်းႁဵၼ်းတင်းၼမ်တင်းလၢႆ လႆႈထုၵ်ႇၾႆးၸုတ်ႇ ၾႆးၽဝ်ပႅတ်ႈ။ ဢၼ်တိူဝ်းၼႃႇမႃးၸမ်း ၸဵမ်ၵူၼ်းဝၢၼ်ႈၵူၼ်းဝဵင်း လႆႈထုၵ်ႇတၢင်းတဵၵ်းတဵင် ၶၢႆႉဝၢၼ်ႈၶၢႆႉသူၼ်(ဝၢၼ်ႈလိုပ်ႈၸူႉ)မႃး။ တႃႇလုၵ်ႈဢွၼ်ႇ ၸိူဝ်းလႆႈပၢႆႊၽေး ၼႂ်းမိူင်းၼၼ်ႉၸမ်း ယွၼ်ႉပိူဝ်ႈငဝ်းလၢႆးဝၢၼ်ႈမိူင်းဢမ်ႇ ၼိမ်သဝ်းလႄႈ ႁူင်းႁဵၼ်းဢၼ်ဝႃႈၼၼ်ႉၵေႃႈ ဢမ်ႇတွၼ်ႉလႆႈမီးမႃး၊ သေဢမ်ႇၵႃး မေႃသွၼ်ၵေႃႈဢမ်ႇမီး။ ယွၼ်ႉ ပိူဝ်ႈလုၵ်ႈဢွၼ်ႇ ဢမ်ႇမီးလွင်ႈလုမ်းလႃးၽၢႆႇပၢႆးယူႇလီ၊ ထၢတ်ႈ ဢႃႇႁႃႇရဢမ်ႇတဵမ်ထူၼ်ႈလႄႈ တိူဝ်ႉသၢင်ႊပၢႆးတူဝ် ဢိၵ်ႇပၢႆးၸႂ်လုၵ်ႈဢွၼ်ႇ။ ၼၼ်လႄႈ ဝၼ်းမိူဝ်းၼႃႈလုၵ်ႈဢွၼ်ႇၵေႃႈ လႆႈလူႉသုမ်းၵႂႃႇ။ ၽူႈၼၢမ်းဢိၵ်ႇဢူႈမႄႈလုၵ်ႈ ဢွၼ်ႇတႄႉၵေႃႈ ၵွၺ်းလႆႈမုင်ႈမွင်းဝႃႈ ပေႃးလုၵ်ႈဢွၼ်ႇ မီးပၢႆးႁူႉမေႃပိုၼ်ႉထၢၼ် တႃႇၸႂ်ႉတိုဝ်းၼႂ်းၸူဝ်ႊပၢၼ်ၶဝ် ၵေႃႈ ပေႃႈယဝ်ႉၼႆမႃးယူႇ။